У мэтах прафілактыкі дзіцячага дарожна-транспартнага траўматызму, выканання ПДР непаўналетнімі прайшла прафілактычная гутарка "У зоне ўвагі ДАІ-двухколавы транспарт!"
Перад рабятамі выступілі начальнік ДАІ Ляхавіцкага РАУС Вайшэвіч Я.А. і старшы інспектар Анікевіч А.А.
У час гутаркі нагадалі вучням Правілы дарожнага руху. Акцэнт зрабілі на асаблівасцях кіравання двухколавым транспартам. Нагадалі пра тое, што праезная частка – гэта зона павышанай небяспекі, разам з вучнямі абмеркавалі розныя дарожныя сітуацыі.
Звярнулі ўвагу, як правільна і бяспечна пераходзіць праезную частку, як забяспечыць сваю бяспеку ў цёмны час сутак і перасцераглі ад небяспечных гульняў паблізу праезнай часткі і чыгуначных пераездаў. У працэсе зносін навучэнцы задавалі пытанні, якія тычыліся адказнасці непаўналетніх за парушэнне ПДР веласіпедыстамі.
Старшы інспектар ІСН Карпік А. А. правяла прафілактычную гутарку з навучэнцамі на тэму "Адміністрацыйная і крымінальная адказнасць непаўналетніх". Такія гутаркі выхоўваюць у вучняў пачуццё адказнасці за свае ўчынкі, павагу да закона і акцэнтуюць увагу навучэнцаў на наступствы, якія ўзнікаюць у выніку злачынных паводзінаў.
