Агарод на падаконніку

Агарод на падаконніку ў дзіцячым садзе - гэта адзін з элементаў развіцця прадметна-прасторавага  асяроддзя, які спрыяе развіццю дапытлівасці і назіральнасці ў дзяцей. Ён здольны пашырыць уяўленні дзяцей аб раслінах, як жывых арганізмах, аб умовах, неабходных для росту і развіцця, развіваць этычнае пачуццё, уменне радавацца прыгажосці раслін і вынікам сваёй працы. Праца ў прыродзе спрыяе развіццю ў дзяцей эмпатыі, дазваляе дзіцяці ўбачыць вынік сваёй дапамогі жывому, адчуць радасць сяброўскіх кантактаў з светам прыроды. Гэта істотна ўдасканальвае эмацыйна-валявую сферу асобы дзіцяці, спрыяльна адбіваецца на развіцці адаптацыйных механізмаў яго псіхікі. Экалагічна арыентаваная актыўнасць дазваляе дашкольнікам авалодаць уменнем экалагічна мэтазгодна паводзіць сябе ў прыродзе. Дзіця назапашвае маральна-каштоўнасны вопыт адносіны да свету, што надае яго дзейнасці гуманны характар.

Праца па арганізацыі агарода на акне праводзіцца паэтапна: пасадка раслін, выраб табліц-паказальнікаў з назвамі і датай пасадкі; знаёмства дзяцей з алгарытмам па догляду за раслінамі; падбор мастацкай літаратуры аб пасаджаных раслінах: прымаўкі, вершы, казкі, загадкі. Далей, назіранне за ростам раслін, правядзенне досведаў, эксперыментаў з фіксацыяй вынікаў у дзённіку назіранняў. Стварэнне калекцыі насення агароднінных культур, папулярных у нашым рэгіёне. Знаёмства з мастацкай літаратурай, стварэнне картатэкі мастацкага слова, разгляд ілюстрацый, правядзенне гутарак, гульняў. Аналіз і абагульненне вынікаў, атрыманых у працэсе даследчай дзейнасці дзяцей. Афармленне выставы фота-калажаў «Ад семені да парастка». Як даглядаць за раслінамі. Такая праца, якая праводзіцца рэгулярна пачынаючы з малодшых груп, валодае вялікімі выхаваўча-адукацыйнымі магчымасцямі.