З 05.09.2022 па 10.09.2022 ва ўстанове адукацыі ў рамках рэспубліканскага комплекснага спартыўна-масавага мерапрыемства «Тыдзень спорту і здароўя» з мэтай умацавання здароўя дзяцей, папулярызацыі алімпійскіх відаў спорту, павышэння цікавасці да наведвання спартыўных мерапрыемстваў, праходзяць спартыўныя спаборніцтвы.
«Тыдзень Спорту і здароўя» пачаўся з прагляду прэзентацыі аб вялікіх спартсменах Рэспублікі Беларусь, дасягненнях на Алімпійскіх гульнях. Навучэнцы пазнаёміліся з гісторыяй Алімпійскіх гульняў, з Нацыянальным алімпійскім камітэтам.
Затым праграма працягнулася ў спартыўнай зале на спаборніцтвах «Залатая скакалка». Пераможцаміў дадзеным мерапрыемстве сярод дзяўчынак 2-7 класаў стала навучэнка 5 класа Халопіца Валерыя (вынік - 82 разы), другое месца ў Рабцэвіч Сняжаны – 5 клас (42 разы). Моцны пол прадставілі 2 чалавекі: Якунін Аляксей – 5 клас (16 разоў) і Гародка Ягор -3 клас (8 разоў).
Віншуем пераможцаў!
06.09.2022 ва ўстанове адукацыі прайшло спартыўнае свята «Ты і я-разам КЛАСная сям’я”. Па выніках конкурснай праграмы перамогу атрымала Дружба.
07.09.2022. Дзень спартыўных рэкордаў “А Вам СЛАБО…” Гэты дзень прынёс задавальненне самым моцным дзяўчынкам і хлапчукам. Навучэнцы спаборнічалі ў падыманні тулава са становішча лежачы, набіванні футбольнага мяча, кіданні мяча ў кальцо.
У спартыўнай гульні “Хуткі мяч” перамаглі дзяўчынкі 5 класа.
08.09.2022 Цікава прайшлі спаборніцтвы па фігурным кіраванні веласіпедам, якія прайшлі на свежым паветры. Двухколы сябар дзяцей на нейкі час стаў сродкам перамяшчэння паміж рознымі перашкодамі: “змейка”, “вароты”, “круг”, “стоп лінія”, “перанос прадмета”. Пераможца не вызначаўся, аднак рабяты атрымалі масу новых ураджанняў і зарад энергіі надоўга.
09.09.2022.Сёння быў незвычайна цікавы дзень. На спартыўным свяце “Вас выклікае Спартландыя “ сустрэліся каманды “Спартыўныя зайцы” Падлескай базавай школы і “Яноты” Начаўскай сярэдняй школы. На спартыўнай пляцоўцы сустрэліся лоўкія, спрытныя рабяты, якія з задавальненнем выконвалі ўсе заданні. З лікам 21:17 перамогу атрымала каманда “Спартыўныя зайцы”. Віншуем пераможцаў.
